戰地『瘋魂』 2001 ghost field2001

３年前既夏天，我同ｄ　ｆｄ一齊係夜晚上左摩星嶺打ｗａｒ　ｇａｍｅ。打打下，我發覺班人唔見哂，用手機ｃａｌｌ佢地又唔通。之後係我後面有個影，咁我就即刻諗住啡低佢，我射中佢之後，佢就走左，我行埋去，睇到我原來淨係射到棵樹。我大驚，就即刻係咁跑，嗌住阿海阿海＜－－－（ｆｄ一個）。之後我聽到有人大嗌，我就潮住叫聲去睇咩事。去到果度，我就見到阿威同阿海一齊坐左係地上。我行到埋去，原來阿海佢咬柴。阿海話，巖巖見到個唔知咩人，都係好似玩ｗａｒ　ｇａｍｅ咁，咁我就射佢啦，點知無端端見到有隻唔知乜野既野起樹跳落黎，推跌佢，佢驚到即刻以極速速度跑，直至跑到去我見佢果個地方就好似比野推趺，咁就咬柴。我地見到咁既情況就諗住快ｄ走有著數。走既途中見到３個同我地一樣樣既人，渣著槍啡我地。見到咁既情況，我就即刻報警。差人黎到乜都見唔到，送我我地入醫院。阿海去到醫院要留院２日，至於我同阿威就淨係受驚。我地過左一日去左探阿海，阿海琴日同個醫院阿嬸講左件事。個阿嬸就話，唔駛驚！果隻鬼百厭姐，唔會點害你，經過果次，我地以後唔玩ｗａｒ　ｇａｍｅ，轉玩ｃｏｕｎｔｅｒ　ｓｔｒｉｋｅ（＝＿＝”）。
如果大傢真係係果度打ｗａｒ　ｇａｍｅ遇ｄ咁既事，唔好亂講野，ｄ『好朋友』應該唔會點害你，至於同你點玩就好難講啦∼